Ata që marrin vaksinën ruse Sputnik V kundër koronavirusit duhet të abstenojnë nga alkooli për dy muaj, tha shefja e shërbimit rus për mbrojtjen dhe mbikëqyrjen e konsumatorit, Ana Popova.

“Konsumi i alkoolit duhet të ndalet dy javë para imunizimit dhe ata që marrin dozën e parë të vaksinës duhet të abstenojnë nga alkooli për 42 ditët e ardhshme”, tha ajo për mediat ruse, transmeton portal arbresh.info

Popova këshilloi qytetarët të mos pinë duhan para dhe pas vaksinimit, duke paralajmëruar që tymi i duhanit irriton mushkëritë dhe zvogëlon përgjigjen imune.

Dy pacientë bëhen alergjikë pasi morën vaksinën anti-Covid

Sipas “Moscoë Times”, pas paralajmërimit të Popovës, Alexander Ginsberg, kreu i qendrës shtetërore të kërkimit “Gamaleja” është përgjigjur.

Ginsberg tha se, megjithëse nuk duhet të konsumohet alkool para ose pas vaksinimit, “një gotë shampanjë nuk e dëmton askënd”, sipas “Moscoë Times”.

Fushata e vaksinimit të Rusisë filloi këtë fundjavë në Moskë dhe deri më tani, sipas vlerësimeve, rreth 100,000 rusë janë vaksinuar./arbresh.info./